Details in Marathi

दशभूज लक्ष्मी - गणेश मंदिर , हिद्वी - गुहागर

कोयना पर्यटन परिसरापासून जवळचा समुद्रकिनारा म्हणजे गुहागर आणि हिद्वी येतो. चिपळूणपासून केवळ ४५ कि.मी. अंतरावर प्रसिद्ध दशभूज लक्ष्मी - गणेश मंदिर आणि विलोभनीय अफाट पसरलेला स्वच्छ , सुंदर अरबी समुद्र किनारा आहे. हिद्वीच्या एका टेकडीवर दशभूज गणपती मंदिर ठुमदार आणि आकर्षक स्वरुपात नाविन्यपूर्ण बांधण्यात आले आहे. नव्यानेच हिद्वी दशभूज लक्ष्मी - गणेश मंदिर प्रसिद्धीच्या झोतात येत आहे. मंदिर परिसर इतका नैसर्गिक सौंदर्याने नटलेला आहे कि पर्यटकांचे मन येथे विरंगुळल्याशिवाय राहत नाही. मंदिरापासून ५ मिनिटाच्या अंतरावर सुंदर अरबी समुद्र किनारा आहे. समुद्रकिनाऱ्याशेजारी शंभू महादेवाचे असलेले छोटे मंदिर समुद्रकिनाऱ्याचे सौंदर्यच वाढवून जाते.